Kernewek Baner Kernewek
Sowsnek Baner Sowsnek
Bywderyow Klass Loundres
Kate Neale, esel a'n klass, a wrug an Areth Rosyer 2017. 'Nadelik Kenderow Jakka: Karolyow Kernewek yn Ostrali Deghow ha Kalifornia' selys war hy hwithrans PhD. Wosa klewes na allsa dos agan kowser restrys, Roger a wrug an Areth Rosyer 2018, 'Fatell y kwariir an Ordinalia, an kottha gwari a Vreten Veur'.
Margh Elton, Stephen Gadd & Tony Hak a berformyas an ober komedi 'Spam' yn kernewek rag dew eseli a Vonti Python, yn fyw dhe'n dowlenn BBC 'The One Show' Roger a ostyas Dydh Hanaf an Bys, mayth eseli a'n klass a assayas dhe dherivas orth fit peldroes. Goslowewgh orth an sywyans omma. Ottomma an gerva peldroes.
Toni Hak re dreylyas Alys Der an Gweder-Mires gans Lewis Carroll hag a vydh dyllys warbarth gans Alys y'n Vro a Varthusyon gans Kesva An Taves Kernewek. Stephen Gadd a ostyas Dydh Tregedna yn y ji yn Bounds Green, gans kerdh y'n ranndir na. Goslowewgh orth derivadow a'n jydh.
An kynsa performyans a Vewnans Ke yn 500 blydhen, gans eseli a'n klass dhe'n Bennseythun Gernewek 2014 yn Tewynn Pleustri. Ottomma Owbra (Polin) ow padhya Teudhar (Margh) hag yma Ke (Roger) a-ves ow parkya y dir. Margh Trevethan (gans tamm gweres dhiworth Toni, Roger hag Arwyn) re dreylyas an lyver Tintin 'An Ynys Dhu' yn Gernewek - an kynsa y'n yeth. Y hyllir y brena dhiworth Dalen Kernow.
Oll an dus yw an gwella genes dhiworth Bora Brav re wrug gorrys yn fyw gans Tamara, Roger, Polin, Margh, Toni, Penny, Gari, Jackie, Philip & Hilary - ynwedh gans sterenn westores vryntin Elizabeth Stewart dhiworth Radyo Kernow - yn an sidi ma gans oll an keskows a'n lyver warnedhi. Y hyllir hy frena dhiworth Kowethas an Yeth Kernewek ha martesen Toni, mes y fydh res dhis govynn orto. Tri lyver Topsy ha Tim re beu treylys yn Kernewek gans Toni Hak (ynwedh lyver spot arall) drefenn aga bos an gwella lyvrow ganso, ha kotta fest ages Bresel ha Kres. Y hyllir aga frena dhiworth Kowethas an Yeth Kernewek hag onan po dew leow arall ynwedh, heb mar.
Eseli an klass a berformyas gwari Polin Prys 'Denladh y'n Orsedh' dhe'n Bennseythun Gernewek 2013 orth Tewynn Pleustri mis Ebril. Stephen Gadd (gans gweres dhiworth Tony Hak) re dreylyas an lyver fleghes 'Matthew ha'n Eskisyow Glaw' dhe Gernewek, hag y hyllir kavoes vershyon diwyethek Sowsnek/Kernewek rag Kindle orth an wiasva Amazon.
Re beu dyllys gans an Gesva lyver Kernewek adhyskansek Polin Prys 'Bora Brav' yn ha Kernewek Kemmyn ha FSS, hag y hyllir y gavoes yn pub lyverji da. Perfeyth yw rag dallethoryon ha studhyoryon nivel kres a'n yeth. An Dhallethoryon!
Y feu hostys Dydh Tregedna gans Roger Courtenay dhe'y ji yn Dowr Kanada, Loundres, le mayth esa bywderyow yn arbennik kerdh y'n ranndir teythyek ha meur a garaoke a ganow aswonnys yn ta (ynwedh nebes le aswonnys) treylys yn Kernewek, lies anedha treylys gans Roger ha Margh Trevethan, a yll bos kevys y'n Lyver Kan Karaoke Maga. Tony Hak re dreylyas an lyver Bretonek 'Vyaj Owen' gans Armel Le Sec'h dhe Gernewek ha Sowsnek. Dyllys yw gans Kowethas an Yeth Kernewek.
Gwiasva gans Kernow1