Kernewek Kernewek
Sowsnek Sowsnek
Klass Loundres

Ni a'gas dynnergh dhe'n wiasva rag an bagas a Gernewegoryon a wra mos dhe glass an yeth Kernewek orth an City Lit yn Holborn / Lowarth Covent, Loundres, an brassa klass a'n yeth kernewek y'n bys, gans a-dro dhe dheg warn ugens esel.

An bagas yw bywek ha hegar hag yma spas rag kernewegoryon a bup nivel dhiworth dallethoryon lan bys dhe gowsoryon freth a vynn metya orth kewsoryon erell, ow komprehendya berdh hag eseli a Gesva an Taves Kernewek ha sfrifyoryon y'n yeth. Ni a wra bywderyow Kernewek, yn arbennik Dydhyow Tregedna (saw kernewek kewsys), gul gwariow, ynwedh kemmeres rol bywek yn darvosow yn Kernow, yn arbennik an Bennseythun Gernewek pub blydhen.

Pupprys y hwilyn eseli nowydh, a bub nivel, ytho grwa diskwedhes dha honan dhyn mar pleg dre elwel Polin 'Jo' P'Rhys orth polin@klassloundres.org, Tony Hak orth 01344 424105, po omrolya gans City Lit rag agan klassow dy'Gwener gorthugherweyth.

Nowodhow

Stephen Gadd re skrifas lyther nowodhow a yllowgh redya omma.

Mark Elton a waynyas Bath Map Trevethan y'n Orsedh yn Lannust yn mis Gwynngala 2019 rag gonisyow rag Kernow gans nebonan trigys yn-mes a Gernow.

Mark Elton a veu gwrys Berdh a'n Orsedh yn Tewynblustri yn mis Gwynngala 2018.

Areth Rosyer 2018: Dr. Roger Courtenay (Ke), esel a'n klass, 'Fatell y kwariir an Ordinalia, an kottha gwari a Vreten Veur.'

Eseli a'n klass a berformyas rann a'n gwari koth Resurrexio Domini y'n Bennseythun Kernewek, Tewynblustri, mis Ebril 2018.

Areth Rosyer 2017: Kate Neale, esel an klass, 'Nadelik Kenderow Jakka: Karolyow Kernewek yn Ostrali Soth ha Kalifornia.'

Penny Champion ha Jackie Wheaton a veu gwrys Berdh a'n Orsedh yn Lannahevren yn mis Gwynngala 2016.

Areth Rosyer 2016: Will Coleman, 'Plen an Gwari.'

Eseli a'n klass a berformyas rann a Vywnans Ke dhe'n Bennseythun Gernewek yn Tewynn Pleustri yn mis Ebril 2016, an kynsa prys bos hemma performys yn 500 blydhen.

Nyns usi Mark Trevethan genen namoy. Ev re removyas dhe Gernow dhe oberi avel Ledyer an Yeth rag Konsel Kernow.

Stephen Gadd a veu gwrys Bard a'n Orsedh yn Sen Ostell yn mis Gwynngala, ha Gary a waynyas an ughella piwas yn kesstrif an Orsedh rag y bardhonieth.

Areth Rosyer 2015: Caroline Vile, 'Fogous'

Eseli a'n klass a berformyas vershyon kott a'n Tollgorn Hudel gans Mozart dhe'n Bennseythun Gernewek yn tewynn Pleustri yn mis Ebril 2015, an kynsa prys bos hemma performys yn Kernewek bythkweyth.

Yth esa keswelyow byw gans pymp esel a'n klass orth an radyo der an jydh dhe'n eyl a vis Kevardhu - rann neb dydh arbennik yn Loundres gwrys gans Radyo Kernow

Roger a waynyas piwas an brassa yn kestrif an Orsedh der y hwedhel berr yn kernewek; yth esa Margh T. kommendys yn ughel. Gari a waynyas an piwas rag bardhonieth; ynwedh Philip a veu kommendys yn ughel.

Areth Rosyer 2014: Alan Kent, 'Celtic Cornwall: Nation, Tradition, Invention,' City Lit, 12ves Gortheren. Mirewgh orth an argemmynn.

Yth esa Toni, Stephen & Margh Elton war 'The One Show' a'n BBC, ow performya yn kernewek rann a'n ober 'Spam' rag dew esel a Vonty Python

Roger, Margh (T) & Stephen re assyas dhe dherivas orth fit Hanaf an Bys. An sywyansow a yll bos klywes omma.

Versyon Kernewek a Alys y'n Vro a Varthusyon ha Der an Gweder Mires, treylys ha pareusys gans Toni, gans gweres dhiworth Margh T ha Roger, re beu dyllys gans an Gesva

Derivadow a'gan Dydh Tregedna ostyes gans Stephen Gadd re beu senys orth Radyo an Gernewegva

Yth esa Lonch Loundres rag 'An Ynys Dhu, an kynsa Tintin yn Kernewek - treylys gans Margh Trevethan - yn Gwerthji Tintin Soedhek, Lowarth Lenji, yn mis Ebril

An kynsa performyans a Vewnans Ke yn 500 blydhen gans eseli a'n klass - y hyllir kavoes kevrenn dhe fylm a'n performyans war an folenn Taklow

An kynsa Tintin yn kernewek, treylys gans Margh

Orth Gorsedh Kernow 7-Gwy Edwina Dorman a dheuth ha bos bardh

Mark Trevethan (yeth-plen) ha Philip Chadwick (bardhonieth) a waynyas piwasow yn kesstrif an Orsedh 2013. Redyewgh an offrynnow sewen yn Taklow.

Briar Wood a waynyas an piwas rag bardhonieth yn piwasow Holyer An Gof 2013 rag hy lyver 'Welcome Beltane'

Dydhyow trimis:

27-Gwy-2019 dhe 13-Kev-2019

17-Gen-2020 dhe 27-Meu-2020

24-Ebr-2020 dhe 03-Gor-2020

Hwarvosow nessa:

dhe vos avisyes

Nessa dydh Tregedna:

dhe vos avisyes

Nessa Yeth-an-Werin:

dhe vos avisyes

City Lit
Gwiasva gans Kernow1